قدرتِ تخدعيني
شاعر العاميه جلال محمد
كفرالشيخ
قدرتِ تخدعيني
…………..
إنتِ اللي إخترتِ البُعد
وخليتي قلبي ف وجع
ماله حد
بعد مازرعنا الأرض
وزيناها بالحب
وطرحت أجمل
ورد
وناديت عليكِ
لندايا مالقيت
رد
وكل كلمه عندك
وراهاصَد
برافو عليكِ
بغرورك حطمتي
الود
وبإيديكِ بورتِ
الأرض
وحرقتِ كل
الورد
داأنا حبيتك
بجد
وكنت ناوي برجليا
أدوس ع البُعد
معاكِ….
عيشت كدبه كبيره
وضحكت الشفايف
ضحكه حزينه
وسكه بألف آه
مرسومه
تحكي
ع اللي خان الود
وتنزف الدمعه ألم
ويبكي الحنين
ع اللي نسي الوعد
ومدام دي رغبتك
هبعد أنا عن سكتك
وهنساكِ أنا
وهَدور علي قلب
لِساه عايش ع الحب
بس برافو عليكِ
قدرتِ تخدعيني
…………………
2023/6/5
